ڊيره اسماعيل خان – 17 مئي (اي پي پي) وزيراعظم محمد نواز شريف چيو آهي ته اسان جي مخالفن جي نصيب ۾ ڌرڻا آهن، اهي ڌرڻا هڻندا رهندا. هو ڊيره اسماعيل خان ۾ گئس جي فراهمي جي منصوبي جي پيڙهه جو پٿر رکڻ جي موقعي تي عوامي ميڙ کي خطاب ڪري رهيو هو. ان موقعي تي خيبرپختونخواهه جي گورنر اقبال ظفر جهڳڙا، جي يو آءِ (ف) جي امير مولانا فضل الرحمان، هائوسنگ واري وفاقي وزير اڪرم خان دراني ۽ اعليٰ عملدارن کانسواءِ پاڪستان مسلم ليگ (ن) ۽ جي يو آءِ (ف) جي ڪارڪنن جو وڏو انگ موجود هو.
