اسلام آباد – 03 مئي (اي پي پي) اطلاعات ۽ نشريات واري وفاقي وزير سينيٽر پرويز رشيد چيو آهي ته آزاد ميڊيا ۽ اظهار راءِ جي آزادي جمهوريت ۽ آزاد معاشري جو شيوو آهي، ميڊيا جي آزادي ۽ جمهوريت لازم ملزوم آهن، اهي هڪ ٻئي کان جدا نه ٿا رهي سگهن، پاڪستان جي عوام ۽ صحافي برادري اهي مقصد حاصل ڪرڻ لاءِ گڏجي جدوجهد ڪئي. صحافت جي آزادي جي عالمي ڏهاڙي جي موقعي تي پنهنجي پيغام ۾ هن چيو ته موجوده جمهوري حڪومت ان ڳالهه تي يقين رکي ٿي ته محفوظ ۽ موزون ماحول کي يقيني بڻائڻ اظهار راءِ جي آزادي لاءِ ضروري آهي.
