مانسهره – 28 اپريل (اي پي پي) وزيراعظم محمد نواز شريف پيٽروليم مصنوعات جي قيمتن ۾ اضافي جي سمري رد ڪري ڇڏي آهي. ڪالهه خميس ڏينهن ڍڍيال ۾ عوامي ميڙ کي خطاب ڪندي وزيراعظم چيو ته تيل ۽ گئس واري وزارت مون کي اڄ ئي سفارش ڪئي آهي ته پيٽروليم مصنوعات جون قيمتون دنيا ۾ وڌڻ سبب پاڪستان ۾ به پيٽروليم مصنوعات جي قيمتن ۾ اضافو ڪيو وڃي. هن چيو ته مون کي سفارش ڪئي وئي هئي ته پيٽرول جي قيمت ۾ 3 روپيا، ايڇ او بي سي ۾ 3 روپيا 25 پئسا، ڊيزل 4 روپيا 41 پئسا ۽ گاسليٽ جي قيمت ۾ به اضافي جي سفارش ڪئي وئي هئي، پر مون اها سمري رد ڪري ڇڏي آهي.
