اسلام آباد – 28 اپريل (اي پي پي) وزيراعظم محمد نواز شريف چيو آهي ته موجوده حڪومت عوام جي ڀلائي لاءِ سچي نيت سان ڪم ڪري رهي آهي ۽ عوام کي ملڪ جي ترقي ۽ خوشحالي لاءِ پنهنجون ڀرپور صلاحيتون استعمال ۾ آڻڻ جا موقعا پيدا ڪري رهي آهي. هن اها ڳالهه اين اي 100 مان چونڊيل قومي اسيمبلي ميمبر اظهر قيوم ۽ اين اي 142 مان قومي اسيمبلي ميمبر رانا محمد حيات سان ڳالهائيندي چئي جن خميس ڏينهن وزيراعظم هائوس ۾ ساڻس ڌار ڌار ملاقات ڪئي. وزيراعظم چيو ته موجوده حڪومت عوام جي زندگي جو معيار بلند ڪرڻ لاءِ پرعزم آهي، اسان ترقي ۽ اصلاح جي ايجنڊا جي سرگرمي سان پيروي ڪري رهيا آهيون ۽ اسان جون سموريون توانايون عام ماڻهو جي زندگي جو معيار بهتر بڻائڻ تي آهن.
