اسلام آباد – 27 اپريل (اي پي پي) وزيراعظم محمد نواز شريف چين جي شانڊونگ گروپ کي پاڪستان ۾ روڊ، ريل، توانائي، پاڻي ذخيرن، پائيپ لائينز، ايئرپورٽ ۽ مالياتي شعبي ۾ سيڙپڪاري جي دعوت ڏيندي ڪمپني کي يقين ڏياريو ته کيس هر ممڪن مدد فراهم ڪئي ويندي. وزيراعظم محمد نواز شريف سان چين جي شانڊونگ هاءِ اسپيڊ گروپ جي چيئرمين سن ليانگ جي سربراهي ۾ وفد وزيراعظم هائوس ۾ ملاقات ڪئي. ان موقعي تي وزيراعظم شانڊونگ گروپ کي پاڪستان ۾ روڊ، ريل، توانائي، پاڻي ذخيرن، پائيپ لائينن، ايئرپورٽ ۽ مالياتي شعبي ۾ سيڙپڪاري جي دعوت ڏني. وزيراعظم ڪمپني کي خاطري ڪرائي ته ان کي سيڙپڪاري منصوبي جي ڏس ۾ هر ممڪن مدد فراهم ڪئي ويندي.