اسلام آباد – 27 اپريل (اي پي پي) وزيراعظم محمد نواز شريف چيو آهي ته حڪومت عام ماڻهو جي زندگي جو معيار بهتر بڻائڻ جي لاءِ ترقياتي ايجنڊا تي سرگرمي سان عمل ڪري رهي آهي. هن اها ڳالهه قومي اسيمبلي ميمبرن محسن شاهنواز رانجها، نديم عباس ۽ ملڪ ابرار احمد سان ڳالهائيندي چئي، جن وزيراعظم هائوس ۾ ساڻس ڌار ڌار ملاقات ڪئي. وزيراعظم چيو ته قومي اسيمبلي ميمبرن کي عوام سان پنهنجي واعدن تي پورو لهڻ ۾ ڪا به ڪسر نه ڇڏڻ گهرجي جنهن کين چونڊي پنهنجي اعتماد جو اظهار ڪيو آهي.
