اسلام آباد – 27 آگسٽ (اي پي پي) وزيراعظم محمد نواز شريف ڀارتي والاريل ڪشمير ۾ وحشياڻي ظلمن ۽ انساني حقن جي سخت خلاف ورزين کي دنيا جي اهم حصن ۾ اجاگر ڪرڻ جي لاءِ 22 پارليامينٽ ميمبرن کي خصوصي نمائندن جي حيثيت سان نامزد ڪري ڇڏيو آهي. وزيراعظم چيو آهي ته هن ڪشمير جو ڪيس وڙهڻ جي لاءِ انهن پارليامينٽ ميمبرن کي دنيا جي مختلف حصن ۾ موڪلڻ جو فيصلو ڪيو آهي. هن چيو ته انهن خصوصي نمائندن کي پاڪستان جي عوام جي طاقت ۽ لائين آف ڪنٽرول جي ٻنهي پاسن ڏانهن رهندڙ ڪشميري عوام جون دعائون آهن.