اسلام آباد – 27 آگسٽ (اي پي پي) ناڻي واري وفاقي وزير سينيٽر اسحاق ڊار سان فرنٽيئر ورڪس آرگنائيزيشن جي ڊائريڪٽر جنرل ميجر جنرل محمد افضل ملاقات ڪئي ۽ فرنٽيئر ورڪس آرگنائيزيشن پاران شروع ڪيل منصوبن بابت آگاهه ڪيو. هن چيو ته ايف ڊبليو او ملڪ ۾ وڏن منصوبن جي ڪاميابي سان تعمير جي صلاحيت ۽ انساني وسيلا رکي ٿي. ناڻي واري وفاقي وزير خاص طور تي توانائي ۽ ٽرانسپورٽ جي شعبن ۾ ايف ڊبليو او جي منصوبن جي اڳڀرائي جو جائزو ورتو.