اسلام آباد – 27 آگسٽ (اي پي پي) ناڻي واري وفاقي وزير سينيٽر اسحاق ڊار سيڪيورٽيز اينڊ ايڪسچينج ڪميشن آف پاڪستان کي هدايت ڪندي چيو آهي ته پاڪستان اسٽاڪ ايڪسچينج (پي ايس اي) جي شيئرز جي وڪري ۾ قومي مفاد کي اوليت ڏني وڃي. اها ڳالهه هن هڪ اجلاس جي صدارت ڪندي چئي. اجلاس ۾ پي ايس اي جي شيئرز جي وڪري جي حوالي سان اڳڀرائي جو جائزو ورتو ويو. ايس اي سي پي جي چيئرمين وفاقي وزير کي ان سلسلي ۾ پرڏيهي ۽ مقامي ادارن پاران ملندڙ اظهار دلچسپي (اي او آئيز) جي مجموعي صورتحال کان آگاهه ڪيو.