اسلام آباد – 07 جنوري (اي پي پي) صدر ممنون حسين قومي هم آهنگي ۽ تعليمي معيار جي ترقي لاءِ قومي نصاب جي اهميت تي زور ڏيندي وفاقي تعليم ۽ پيشيواراڻي تربيت واري وزارت کي هدايت ڪئي آهي ته آزاد ڄمون ۽ ڪشمير ۽ گلگت بلتستان سميت سمورين صوبائي حڪومتن جي مشاورت سان قومي نصاب جي تياري جو ڪم تيز ڪيو وڃي. هو ايوان صدر ۾ وفاقي تعليم ۽ پيشيواراڻي تربيت واري وزارت پاران نصاب تي نظرثاني بابت بريفنگ اجلاس جي صدارت ڪري رهيو هو.