اسلام آباد – 07 جنوري (اي پي پي) بينظير انڪم سپورٽ پروگرام جي چيئرپرسن ماروي ميمڻ چيو آهي ته حڪومت هن پروگرام مان فائدو حاصل ڪندڙن کي ليبر مارڪيٽ ۾ شامل ڪرڻ تي غور ڪري رهي آهي ته جيئن هو پيداواري سرگرمين ۾ شامل ٿي پنهنجي زندگي جو معيار بهتر ڪري سگهن ۽ حڪومت پاران مالي مدد جي لاءِ ڏسڻ بدران پنهنجي روزي باعزت طريقي سان ڪمائي سگهن. اهڙن خيالن جو اظهار هن اسلام آباد چيمبر آف ڪامرس اينڊ انڊسٽري جي سينيئر نائب صدر شيخ پرويز احمد ۽ نائب صدر شيخ عبدالوحيد سان ملاقات دوران ڪيو.