اسلام آباد – 20 جولاءِ (اي پي پي) قومي اسيمبلي جي اسپيڪر سردار اياز صادق چيو آهي ته والاريل ڪشمير ۾ معصوم ۽ بي گناهه ڪشميرين تي ڀارتي ظلمن جو عالمي برادري کي نوٽيس وٺڻ گهرجي، وقت اچي ويو آهي ته ڪشمير مسئلو گڏيل قومن جي قراردادن ۽ ڪشميري عوام جي امنگن مطابق حل ڪيو وڃي. ڪشميري عوام سان يڪجهتي جي اظهار جي طور تي ملهايل ڪاري ڏينهن جي موقعي تي لنڊن مان ٽيلي فون تي ”اي پي پي“ سان ڳالهائيندي قومي اسيمبلي جي اسپيڪر سردار اياز صادق چيو ته هن به هتي لنڊن ۾ پنهنجي ٻانهن تي ڪاري پٽي ٻڌي ڪشميرين تي ظلمن خلاف احتجاج ۾ حصو ورتو آهي.
