اسلام آباد – 16 جولاءِ (اي پي پي) بينظير انڪم سپورٽ پروگرام جي چيئرپرسن ماروي ميمڻ چيو آهي ته گذريل مالي سال دوران بينظير انڪم سپورٽ پروگرام مان 53 لک خاندانن فائدو کنيو. ريڊيو پاڪستان سان ڳالهائيندي هن چيو ته عورتن جي سماجي ۽ معاشي ترقي جي لاءِ پروگرام جي بجيٽ کي 102 ارب مان وڌائي 115 ارب رپيا ڪيو ويو آهي. ماروي ميمڻ چيو ته بي آءِ ايس پي وسيلا پروگرام تحت 32 ضلعن جي 13 لک مستحق ٻارن کي اسڪولن ۾ داخل ڪرايو ويو ۽ انهن کي ماهوار اڍائي سئو رپيا ڏنا پيا وڃن.