اسلام آباد – 13 جولاءِ (اي پي پي) وزيراعظم ۽ مسلم ليگ (ن) جي صدر محمد نواز شريف جي هدايت تي مسلم ليگ (ن) آزاد ڪشمير جمعي ڏينهن تاريخ 15 جولاءِ 2016ع تي ڪشميري شهيدن سان اظهار يڪجهتي ۽ والاريل ڪشمير ۾ ڀارتي فورسز جي ڏاڍ ۽ قتلام جي خلاف مذمت جي ڏهاڙي طور تي ملهائيندي. ان سلسلي ۾ مسلم ليگ (ن) آزاد ڪشمير جي صدر راجا فاروق حيدر آزاد ڪشمير ۾ مسلم ليگ (ن) جي سمورن اميدوارن ۽ ڪارڪنن کي هدايت ڪئي آهي ته جامع مسجد جي ٻاهران جمعي نماز کانپوءِ والاريل ڪشمير ۾ هٿين خالي ڪشميرين تي ڪيل ظلمن جي خلاف آواز بلند ڪن.
