اسلام آباد – 12 جولاءِ (اي پي پي) سينيٽ چيئرمين ميان رضا رباني والاريل ڪشمير ۾ معصوم ۽ پرامن شهرين جي خلاف ڀارتي رياستي دهشتگردي جي سخت لفظن ۾ مذمت ڪندي چيو آهي ته اهي قدم عالمي قدرن ۽ بنيادي انساني حقن، زندگي جي حق، اظهار راءِ جي حق ۽ پرامن احتجاج جي حق جي خلاف آهن. گذريل ڏينهن پنهنجي جاري بيان ۾ هن چيو ته معصوم شهرين جي خلاف طاقت جي استعمال تي خاموشي سان دنيا جو ٻٽو معيار هڪ ڀيرو ٻيهر کلي سامهون اچي ويو آهي.
