تل ابيب -20 نومبر (اي پي پي) اسرائيل جي فوج اولهندي ڪناري ۾ مختلف ڪارروائين دوران وڌيڪ 38 فلسطينين کي گرفتار ڪري ورتو آهي. اسرائيل جي فوج پنهنجي ويب سائيٽ تي جاري ڪيل پوسٽ جي هڪ بيان ۾ چيو آهي، ته گرفتار ڪيل فلسطينين وٽان هٿيار به ضبط ڪيا ويا آهن ۽ هڪ ڌماڪيدار مادو تيار ڪندڙ ليباريٽري کي پڻ بند ڪيو ويو آهي، جتي ايم16 رائيفلز، ڪارتوس ۽ هٿيارن جا ٻيا حصا تيار ڪيا ويندا هئا. اسرائيل جي فوج طرفان بيان ۾ چيو ويو آهي، ته اولهندي ڪناري جي علائقن نابلوس ۽ جنين ۾ پناهگير ڪيمپن کي به نشانو بڻايو ويو آهي.
