مدينو شريف- پهرين جون (اي پي پي) سعودي عرب جي حج ۽ عمري واري وزارت موجب هن وقت تائين ٻه لک حج پانڌيئڙا مديني شريف پهچي چڪا آهن، وزارت پاران جاري ڪيل انگن اکرن موجب حج سيزن جي شروعات کان وٺي هن وقت تائين ٻه لک کان وڌيڪ حج پانڌيئڙا مديني شريف پهچي چڪا آهن جن مان هڪ لک 25 هزار زائرين امير محمد بن عبدالعزيز انٽرنيشنل ايئر پورٽ مديني جڏهن ته 07 هزار کان وڌيڪ زميني رستي مديني پهتا آهن، مديني پهتل سڀ کان وڌيڪ زائرين جو تعلق انڊونشيا سان آهي، جڏهن ته ڀارت ٻئي، پاڪستان ٽئين ۽ بنگلاديش ڇوٿين نمبر تي آهي، واضع رهي ته 20 هزار کان وڌيڪ زائرين مسجد نبوي جي زيارت لاءِ مڪي شريف روانا ٿي چڪا آهن.
