رياض – 15 مئي (اي پي پي) سعودي عرب جي صحت کاتي چيو آهي ته ملڪي حج پانڌيئڙن کي هلندڙ سال ٽي ويڪسين لڳرائڻيون پونديون. سعودي خابروا داري صحت کاتي جي معاون ڊي جي عبدالرحمان ابو داهش جي بيان جي حوالي سان ٻڌايو ته مملڪت جا شهري ۽ اتي رهندڙ پرڏيهي جيڪي حج ڪندا، کي انفلوئنزا، ڳاٽي ٽوڙ ۽ ڪورونا وائرس کان بچاءَ جون ويڪسين لڳرائڻيون پونديون ۽ ان مقصد لاءِ ملڪ جي 40 سيڪڙو هيلٿ سينٽرن تان ويڪسين فراهم ٿيندي. هن چيو ته هلندڙ سال سعودي شهرين ۽ اتي رهندڙ پرڏيهين کي انفلوئنزا، ڳاٽي ٽوڙ ۽ ڪورونا وائرس جون ويڪسينس لڳايون پيون وڃن.
