واشنگٽن – 30 مارچ (اي پي پي) آمريڪي صدر جوبائيڊن آمريڪا تي مبينا سائبر حملن تي قومي ايمرجنسي ۽ پابندين ۾ وڌيڪ هڪ سال جي توسيع ڪري ڇڏي آهي. روسي خابرو اداري وائٽ هائوس جي هڪ نوٽس جو حوالو ڏيندي ٻڌايو آهي ته صدر جوبائيڊن آمريڪا تي مبينا سائبر حملن تي قومي ايمرجنسي ۽ پابندين ۾ وڌيڪ هڪ سال جي توسيع ڪري ڇڏي آهي. جوبائيڊن چيو ته اهي بدنيتي تي ٻڌل سائبر فعال سرگرميون ملڪ جي قومي سلامتي، پرڏيهي پاليسي ۽ معيشت لاءِ هڪ غير معمولي خطرو بڻيل آهن، ان سبب پهرين اپريل 2015 تي اعلانيل قومي هنگامي صورتحال ۾ پهرين اپريل 2023 تائين توسيع ڪئي وئي آهي. وائٽ هائوس مطابق آمريڪي صدر جي ايگزيڪٽو آرڊر 13757 جا متعارف ڪيل قدم پڻ نافذ رهندا. پابنديون خاص طور تي روس کي نشانو بڻائن ٿيون.
