اسلام آباد – 13 – مارچ (اي پي پي) پاڪستان پيپلزپارٽي جي چيئرمين بلاول ڀٽو زرداري پيپلز يوٿ آرگنائيزيشن بيلجيئم جي صدر شيراز بٽ ۽ شهريار بٽ سان سندن والده جي لاڏاڻي تي تعزيت جو اظهار ڪيو آهي. هن پنهنجي تعزيتي پيغام ۾ چيو ته شيراز بٽ ۽ شهريار بٽ جي والده جي لاڏاڻي تي افسوس ٿيو آهي، ڏک جي هن گهڙيءَ ۾ اسان ڏکويل خاندان سان برابر جا شريڪ آهيون، انهن سان پوري همدرديءَ رکون ٿا. هن چيو ته پوري پارٽي انهن جي ڏک ۾ برابر جي شريڪ آهي، الله تعاليٰ انهن کي ۽ انهن جي خاندان کي صبر جميل عطا فرمائي. هن دعا ڪئي ته الله تعاليٰ مرحومه کي جنت ۾ اعليٰ مقام عطا فرمائي.
