بيجنگ-10 مارچ (اي پي پي) چين جي پارليامينٽ شي جن پنگ کي چين جو ٽيون ڀيرو صدر چونڊي ڇڏيو آهي. سعودي عرب جي ميڊيا رپورٽن مطابق شي جن پنگ جمعي ڏينهن ٽيون ڀيرو چين جو صدر چونڊجي ويو آهي. پارليامينٽ ۾ نيشنل پيپلز ڪانگريس جي 03 هزار جي لڳ ڀڳ ميمبرن دي گريٽ هال ۾ سي جن پنگ کي صدر چونڊڻ لاءِ گڏيل طور تي ووٽ ڏنو، سندس خلاف ڪو به مخالف اميدوار ڪون بيٺل هو. ووٽنگ اٽڪل هڪ ڪلاڪ تائين جاري رهي ۽ اليڪٽرانڪ ڳڻپ اٽڪل 15 منٽن ۾ مڪمل ٿي. شي جن پنگ ملڪ جي مرڪزي فوجي ڪميشن جي چيئرمين طور به ٽئين مدي لاءِ چونڊجي ويو آهي. پارليامينٽ جي ميمبرن زاليجي کي چيئرمين ۽ هان زنگ کي ملڪ جو نئون نائب صدر چونڊيو آهي. واضح رهي ته ڄاڻايل ٻئي شخص شي جن پنگ جي اڳوڻي ٽيم جا آهن.
