گڏيل قومون_ 10 مارچ(اي پي پي) گڏيل قومن اعلان ڪيو آهي ته يمن جي اولهه سامونڊي ڪناري تي راس عيسي بندرگاه ويجهو لنگر انداز خراب حالت واري ٽينڪر کي خالي ڪري تيل ذخيرو ڪرڻ لاءِ هڪ وڏي آئل ٽينڪر جي خريداري جي معاهدي تي صحيحون ڪيون آهن، گڏيل قومن چيو آهي ته يو اين ڊي پي ڊويلپمنٽ پروگرام يورونا ڪمپني سان ٽينڪر جي خريداري جي معاهدي تي صحيح ڪئي آهي، اها ڪمپني سامونڊي چرپر ۽ ڪچي تيل کي ذخيرو ڪرڻ جي شعبي ۾ ڪم ڪندي آهي، آمريڪا گڏيل قومن پاران ٽينڪر جي خريداري واري معاهدي تي صحيحن جي آجيان ڪئي آهي، آمريڪي پرڏيهي کاتي پنهنجي بيان ۾ چيو آهي ته ٽينڪر جي خريداري گڏيل قومن پاران ترتيب ڏنل هنگامي منصوبي تي عمل جو هڪ فيصلائتو قدم آهي ته جئين احمر سمنڊ ۾ علائقائي ماحولياتي تباهي ۽ اقتصادي اثرن کان بچائي سگهجي.
