اسلام آباد – 01 – مارچ (اي پي پي) اطلاعات ۽ نشريات واري وفاقي وزير مريم اورنگزيب چيو آهي ته آئين ٽوڙيندڙ فارن ايجنٽ توشه خانه چور جو ڪٽهڙي ۾ نه اچڻ آئين ۽ قانون جو مذاق هوندو. پنهنجي ٽوئيٽ ۾ هن عمران خان کي مخاطب ڪندي چيو ته ”اڙي ابا! ڪهڙي جيل ڀريو تحريڪ؟ مزاحيه تماشو فلاپ ٿيو، تحريڪ هاڻي شروع ٿيندي جڏهن تون ڏوهن تي جيل ويندين؟. هن چيو ته آئين جو تحفظ عمران خان جو فرض هو، عمران خان عالمي سازش جي ڪوڙ سان صدر، اسپيڪر ۽ ڊپٽي اسپيڪر کان آئين ٽوڙڻ وارو ڪم ڪرايو. آئين ٽوڙيندڙ فارن ايجنٽ توشه خانه چور جو ڪٽهڙي ۾ نه اچڻ آئين ۽ قانون جو مذاق هوندو.
