انقره/دمشق-07 فيبروري (اي پي پي) ترڪيه ۽ شام ۾ گذريل ڏينهن آيل شديد زلزلي سبب فوت ٿي ويلن جو انگ وڌي 5 هزار ٿي ويو آهي. برطانوي خابرو اداري ترڪيه جي آفتن کي مُنهن ڏيڻ واري قومي اداري جي حوالي سان ٻُڌايو آهي ته ملڪ ۾ زلزلي سبب هن وقت تائين 3419 ڄڻن جي فوت ٿيڻ جي تصديق ٿي چڪي آهي، جڏهن ته شام مان ملندڙ اطلاعن مطابق هن وقت تائين 1600 کان وڌيڪ ماڻهو فوت ٿي چڪا آهن. صحت واري عالمي اداري مطابق زلزلن سبب فوتگين جي انگ ۾ ڪيترائي ڀيرا واڌ ٿي سگهي. واضح رهي ته ترڪيه ۽ شام ۾ زلزلي کان متاثر علائقن ۾ ريسڪيو آپريشن جاري آهي، جن ۾ 65 ملڪن جي 2600 کان وڌيڪ اهلڪار حصو وٺي رهيا آهن.
