گڏيل قومون- 01 فيبروري (اي پي پي)سڄي دنيا ۾ فاقه ڪشي جو شڪار 828 ملين ماڻهن مان 278 ملين ماڻهو آفريقا ۾ آهن، گڏيل قومن جي خوراڪ ۽ زراعت واري کاتي خبردار ڪيو آهي ته آفريقي ترقياتي بينڪ (اي ايف ڊي بي) پاران جاري ڪيل انگن اکرن موجب اهو تعداد 2030 ۾ وڌي 310 ملين تائين پهچي سگهي ٿو، آفريقا دنيا جي پوک لاءِ استعمال ۾ نه ايندڙ 65 سيڪڙو ذرخيز زمين جو مالڪ آهي، جيتوڻيڪ اهو کنڊ 2050 تائين 9 بلين ماڻهن جو غذائي ضرورتون پوريون ڪرڻ لاءِ ڪافي پوکي جوڳي زمين جو مالڪ آهي ان جي باوجود اهو 100 ملين ٽن کان وڌيڪ خوراڪ درآمد ڪري ٿو. 2022 ۾ آفريقا جي زرعي صورتحال جي رپورٽ مان معلوم ٿئي ٿو ته آفريقا ۾ زرعي شعبي کي موسمياتي تبديلين جي اثرن ۽ عالمي بحرانن کي منهن ڏيڻ لاءِ هر سال 257 بلين ڊالر جي ضرورت آهي.
