انقره – 31 جنوري(اي پي پي) ترڪيه پشاور ۾ مسجد ۾ دهشتگردي جي شديد مذمت ڪئي آهي. ترڪ خابرو اداري مطابق پرڏيهي آفيس پنهنجي جاري ڪيل بيان ۾ چيو ته پشاور ۾ پوليس لائن مسجد کي هدف بڻائڻ واري ان دهشتگرد حملي جي نتيجي ۾ جاني نقصان ۽ ڪيترائي ڄڻا زخمي ٿيڻ تي ترڪيه کي سخت صدمو پهتو آهي. بيان ۾ چيو ويو آهي ته اسان دهشتگرد حملي جي شديد مذمت ڪريون ٿا. هن دهشتگرد حملي ۾ فوتين جي وارثن ۽ عوام کان تعزيت جو اظهار ڪيو ۽ زخمين جي جلد صحتيابي جي دعا ڪئي.
