جده_20 جنوري(اي پي پي) سعودي عرب ۾ ملڪيتن جي اگهن ۾ 1.6 سيڪڙو اضافو ٿيو آهي، ميڊيا رپورٽن موجب سعودي عر ب جي انگن اکرن بابت جنرل اٿارٽي پنهنجي جاري ڪيل رپورٽ ۾ چيو آهي ته سڄي ملڪ ۾ ملڪيتن جي اگهن ۾ گذريل سال جي ڇوٿين ٽه ماه ۾ 1.6 سيڪڙو اضافو ريڪارڊ ڪيو ويو ، رپورٽ ۾ انڪشاف ڪيو ويو آهي ته گذريل سال جي ڇوٿين ٽه ماهي ۾ بنيادي طور تي زمين يا پلاٽ جي اگهه ۾ 2.7 سڪڙو سبب رهائشي ملڪيتن ۾ 2.6 سيڪڙو اضافو ٿيو ، رپورٽن موجب ولاز يا وڏن گهرن جي اگهن ۾ 1.7 سيڪڙو جڏهن ته اپارٽمنٽس جي اگهن 2.2 سيڪڙو اضافو ٿيو آهي، گذريل سال جي ڇوٿين ٽه ماهي ۾ گهرن جي اگهن ۾ 0.4 سيڪڙو گهٽتائي ٿي ۽ واپاري عمارتن جا اگهه مستحڪم رهيا، واضع رهي ته ماتحت شعبن ۽ زرعي ريئل ايسٽيٽ ۾ ترتيبوار 0.2 سيڪڙو ۽ 0.8 سيڪڙو جي معمولي گهٽتائي نظر آئي جنهن جي نتيجي ۾ انڊيڪس ۾ اضافي جي شرح ۾ پڻ گهٽتائي ٿي.