اسلام آباد – 08 – ڊسمبر (اي پي پي) پرڏيهي وزير بلاول ڀٽو زرداري انڊونيشيا جي دوري جي موقعي تي بالي ۾ افغان عورتن جي تعليم تي عالمي ڪانفرنس ۾ شرڪت ڪئي. پرڏيهي آفيس موجب پرڏيهي وزير ان موقعي تي خطاب ڪندي عورتن جي لاءِ تعليم جي اهميت ۽ فيصلاسازي ۾ انهن جي شرڪت تي ضرورت تي زور ڏنو. هن چيو ته افغان معاشري کي فائدو پهچائيندڙ ٺوس ۽ عملي امدادي پروگرامن جي ضرورت آهي. پرڏيهي وزير بلاول ڀٽو زرداري افغان عوام جي ڀلائي ۽ خوشحالي کي فروغ ڏيڻ جي ڪوششن جي لاءِ پاڪستان جي ڀرپور حمايت کي ورجايو.