مظفر آباد – 24 – آڪٽوبر (اي پي پي) آزاد ڄمون ۽ ڪشمير جو 75 هين تاسيس ڏهاڙو اڄ سومر ڏينهن ان تجديد عهد سان ملهايو پيو وڃي ته ڀارت جي ناجائز قبضي کان ڄمون ۽ ڪشمير جي آزادي ۽ پوري علائقي جي پاڪستان سان الحق تائين جدوجهد جاري رکي ويندي. ڪشمير ميڊيا سروس موجب هي ڏينهن هر سال والاريل ڄمون ۽ ڪشمير کي ڀارتي قبضي کان آزاد ڪرائڻ ۽ پوري ڄمون ۽ ڪشمير جي پاڪستان سان الحاق تائين جدوجهد جاري رکڻ جي تجديد عهد سان ملهايو وڃي ٿو. مظفرآباد ۾ ڏينهن جي شروعات ڀارت جي غيرقانوني قبضي هيٺ ڄمون ۽ ڪشمير جي ڀائرن جي آزادي جي لاءِ خصوصي دعائن سان ڪئي وئي. مظفرآباد جي پريڊ گرائونڊ ۾ هڪ تقريب منعقد ڪئي وئي جتي اسپيڪر ۽ آزاد ڄمون ۽ ڪشمير جي وقتي صدر سردار چوڌري انوارالحق قومي جهنڊو ڦڙڪايو. تقريب ۾ آزاد ڄمون ۽ ڪشمير جي وزيرن ۽ ڪل جماعتي حريت ڪانفرنس جي آزاد ڄمون ۽ ڪشمير شاخ جي اڳواڻن بشمول ڪنوينر محمود احمد ساگر ۽ غلام محمد صفي شرڪت ڪئي. ان موقعي تي پاڪستان جي سالميت ۽ خوشحالي ۽ والاريل ڄمون ۽ ڪشمير جي جلد آزادي جي لاءِ خصوصي دعائون پڻ ڪيون ويون. آزاد ڄمون ۽ ڪشمير جي ٽئي ريڊيو اسٽيشنز تاسيس ڏهاڙي جي اهميت کي اجاگر ڪرڻ جي لاءِ خصوصي پروگرام نشر ڪري رهيا آها.