اسلام آباد – 13 – آگسٽ (اي پي پي) اسلام آباد ٽريفڪ پوليس (آءِ ٽي پي) آزادي جي ڏهاڙي جي موقعي تي گادي واري شهر ۾ ٽريفڪ ڪنٽرول ڪرڻ جي لاءِ 425 آفيسر ۽ اهلڪار مقرر ڪرڻ جو فيصلو ڪيو آهي. آءِ جي پي اسلام آباد ڊاڪٽر اڪبر ناصر خان جي هدايت تي ان ڏينهن جي موقعي تي شهر ۾ ٽريفڪ جي رواني ۽ محفوظ رستي جي ماحول جي لاءِ خصوصي پلان جوڙيو ويو آهي. ايس ايس پي، ايس پي، چار ڊي ايس پيز ۽ 19 انسپيڪٽرز سميت مجموعي طور تي 425 آفيسر ۽ اهلڪار شهر جي مختلف رستن تي ٽريفڪ پلان موجب عوام جي رهنمائي لاءِ پنهنجا فرض سرانجام ڏيندا.
