APP27-160522 ISLAMABAD: May 16 - President Dr. Arif Alvi offering condolences on the sad demise of the Former President of the United Arab Emirates (UAE), Sheikh Khalifa bin Zayed al Nahyan at UAE Embassy. APP

اسلام آباد – 16 – مئي (اي پي پي) صدر ڊاڪٽر عارف علوي متحده عرب امارات جي سفارتخاني جو دورو ڪيو ۽ اڳوڻي صدر شيخ خليفه بن زايد النهيان جي لاڏاڻي تي شاهي خاندان، عوام ۽ متحده عرب امارات جي حڪومت سان دلي تعزيت جو اظهار ڪيو، صدر متحده عرب امارات جي اڳوڻي صدر جي لاڏاڻي تي ڏک جو اظهار ڪندي چيو ته شيخ خليفه بن زايد النهيان جي لاڏاڻي تي پاڪستاني عوام کي تمام گهڻو ڏک ٿيو آهي. ڇاڪاڻ جو هو پاڪستان جو سچو ۽ مخلص دوست هو. هن چيو ته متحده عرب امارات جي اڳوڻي صدر جي وفات ٻنهي ملڪن جي لاءِ وڏو نقصان آهي ۽ هو پاڪستاني قوم جي جذبن جو اظهار ڪرڻ چاهي ٿو. هن چيو ته پاڪستان متحده عرب امارات جي شاهي خاندان ۽ عوام جي ڏک ۾ برابر جو شريڪ آهي، مرحوم شيخ خليفه بن زايد النهيان جي پاڪستان لاءِ خدمتن کي زبردست خراج تحسين پيش ڪندي صدر عارف علوي چيو ته سندس قيادت ۾ پاڪستان ۽ متحده عرب امارات جا لاڳاپا وڌيڪ مضبوط ٿيا، ان موقعي تي هن ٻنهي ملڪن جي وچ ۾ دوستي کي وڌيڪ بهتر ۽ مستحڪم بڻائڻ جي عزم جو ورجاءُ ڪيو، متحده عرب امارات جي سفير حماد عبيد ابراهيم سالم الزابي تعزيتي دوري تي صدر جو ٿورو ادا ڪيو ۽ چيو ته پاڪستان ۽ متحده عرب امارات جي وچ ۾ مضبوط لاڳاپا آهن، هن متحده عرب امارات جي اقتصادي ترقي ۾ پاڪستاني برادري جي ڪردار کي به ساراهيو.

متعلقہ مضامینمصنف کی طرف سے مزید